Umuvugabutumwa wo muri Uganda yafunzwe akekwaho kwambura no gufata ku ngufu umugore wo muri Latvija / Lettonie aho yari acumbitse mu murwa mukuru Kampala.
Abapolis batatu nabo barafunze kubera iki kirego.
Polisi yatangaje ko aba bose bambuye uyu mugore amafaranga ye bagafatira na pasisporo ye.
Abaregwa ntacyo baravugwa ku byaha bashinjwa.
Uwo mupasitoro wo mu itorero ry’abapantekoti yari yatumiye uyu mugore w’imyaka 36 gusura Uganda, uyu yari amaze ukwezi kumwe ahageze, nk’uko itangazo rya polisi ribivuga.
Abapolisi batatu bafunze ni abo uwo mugore yaregeye iki cyaha kuri station ya polisi ya Jinja, hanze ya Kampala, bo bashinjwa imyitwarire mibi.
Uwo mugore ashinja abaregwa kumufungira mu kazu gato bakamuhatira gusinya inyandiko yemera ko yasubijwe amafaranga ye yose no kureka ikirego cyo gufatwa ku ngufu arega uwo muvugabutumwa.
Ikinyamakuru Monitor cyo muri Uganda gisubiramo uyu mugore wakibwiye ko uyu pastoro yamubwiye ati: “Ndashaka ko umbyarira umwana…” mbere yo kumufata ku ngufu tariki 11 Ukuboza gushize.
Kivuga kandi ko abapolisi uyu mugore yaregeye bamwatse amafaranga, cyangwa bakamusaba ko baryamana nawe kugira ngo bakurikirane ikirego cye.
Ibero by Policy Pichinswe Gokurikirana Ibiaha Obu Nyebio Byafash Ike Kerigo Mo Nshinganu Kandi Paisabi Owariwe Wes Ovet Ibindi Perigo Nkebe Kore Oyo Mufugabutumwa Kobzana.
Monitor ivuga ko uyu mugore yari afite ubwoba bwo kuguma muri Uganda, kandi byari biteganyijwe ko ava muri iki gihugu kuwa mbere w’iki cyumweru.
